aberaeron

Gwyl Deucanmlwyddiant Aberaeron 2007 - Dathlu ein treftadaeth
	Gorffennaf
	Gwyl y deucanmlwyddiant (subject to licence)	Cliciwch y linc am rhagor o wybodaeth
	28ain	Diwrnod Treftadaeth Forwrol, Noson Fenisaidd a Thân Gwyllt
	29ain	Gwasanaeth Eciwmenaidd
	30ain	Llwybr Tref Aberaeron a’r Placiau Hanesyddol Parti yn y Parc a Rhostio Mochyn
	30ain	Noson ym Mhlasty Monachty
	Awst
	1af	SÊR AR Y SGWÂR
	2ail	Parti i’r Plant
	3ydd	Noson Roc Aberaeron
	4ydd	Dawns Ffurfiol y Deucanmlwyddiant
Dewch i ddathlu gyda’n gilydd Ym 1807, cafodd y Parchedig Alban Thomas Jones Gwynne Ddeddf Seneddol Breifat a’i alluogodd i adeiladu’r Harbwr, ac felly sefydlu tref Aberaeron. Rydym yn falch o’r dreftadaeth forwrol, ddiwydiannol, pensaernïol a diwylliannol sydd wedi tyfu gyda’r dref. Yn 2007, blwyddyn ein Deucanmlwyddiant, rydym yn dathlu ein treftadaeth ac yn rhoi diolch i’r bobl hynny a gyfrannodd mewn sawl ffordd tuag at Aberaeron. Bydd digwyddiadau cymdeithasol ac arddangosfeydd yn digwydd drwy gydol y flwyddyn, yn arwain at y prif ddathliadau, sef Wythnos yr Ŵyl - Gorffennaf 28^ain- Awst 4^ydd 2007. Oriau Agor Swyddfa Docynnau: Llun - Gwener 10:00 - 15:30, Neuadd Goffa, Aberaeron. Ffôn: 07999 552 541 E-bost: festival@aberaeron.info

Diwrnod Treftadaeth

Arrddangosfeydd, adloniant, lluniaeth, llongau'n ymweld gan gynnwys RFA Largs Bay

Harbwr Aberaeron, 12:00 - 5:00 yh

Mynediad am ddim

Noddwyd gan:

Forwrol, Noson Fenisaidd a Thân Gwyllt

Cynhelir noson draddodiadol Fenisaidd gan Glwb Hwylio a Chwaraeon Dŵr Aberaeron, yn cynnwys llongau wedi’u haddurno, talent gerddorol fyw, bwyd da ac arddangosfa tân gwyllt ar hyd yr harbwr. Anogir pawb i ddod i noson agoriadol ysblennydd yr Ŵyl.

Harbwr Aberaeron, 7:00 yh

Mynediad am ddim

Noddwyd y tân gwyllt gan:

Gwasanaeth Eciwmenaidd

Dewch i ymuno â ni ar gyfer gwasanaeth eciwmenaidd, ble bydd pobl y dref ac ymwelwyr yn dod at ei gilydd i ddathlu genedigaeth tref Aberaeron. Bydd y gwasanaeth o ddiolchgarwch yn cynnwys emynau ac eitemau cerddorol.

Sgwâr Alban, Aberaeron. 11.00am

Mynediad am ddim. Gwneir casgliad

Noddwyd y derbyniad gan: Merched y Wawr a D.L.Jones

Llwybr Tref Aberaeron a’r Placiau Hanesyddol

Gellir darganfod treftadaeth gyfoethog ac amrywiol Aberaeron ar sawl stryd ac o amgylch nifer o gorneli’r dref. Fe fydd cyflwyniad taith hunan-dywysedig Llwybr y Dref gan yr Arglwydd Elystan Morgan a gosod placiau efydd ar fannau diddordeb hanesyddol yn amlygu a gwarchod hanes Aberaeron ar gyfer y presennol a’r dyfodol. Yn y pen draw, bydd y placiau a Llwybr y Dref yn coffáu pawb a fu’n byw, yn gweithio ac yn gwasanaethu yn ein tref hyfryd. Yn dechrau o'r swyddfa gwybodaeth ymwelwyr am 5yh.

Am ddim.

Noddwyd y derbyniad gan: Huw a Dilys Lewis

Parti yn y Parc a Rhostio Mochyn

Yn dilyn lansiad Llwybr y Dref, bydd Bord Gron Aberaeron yn cynnal Parti a Rhostio Mochyn yn y Cae Sgwâr - digwyddiad cymdeithasol mawr, gydag adloniant.

Sgwâr Alban, Aberaeron. 6.30pm

Mynediad - £7.00 (yn cynnwys lluniaeth)

Noddwyd gan:

Noson ym Mhlasty Monachty

Ymunwch â ni ym Mhlasty Monachty ar gyfer Garddwest, yn cynnwys perfformiad gan aelodau ‘Memorama’ o ddarlith a draddodwyd gan y diweddar Gareth Owen ar hanes creu Aberaeron. Mae “My Dear Reverend Cousin” yn sôn am y Parch. Alban Thomas a etifeddodd Monachty gyda’i wraig, Susannah Maria Jones o Dyglyn. Ei gyfoeth a’i weledigaeth ef a arweiniodd at adeiladu’r Harbwr yn 1807, felly’n creu tref Aberaeron.

Plasty Monachty, Pennant. 7.00pm GWERTHWYD I GYD

Mynediad - £5.00 Oedolion. £2.50 Plant cynradd. Darperir lluniaeth ysgafn.

Noddwyd gan:

Kelvin a Sally Mills

Sêr ar y Sgwâr

Dyma gyngerdd gala glodfawr yn arddull “Proms in the Park” - uchafbwynt yr Ŵyl. Gwahoddir y gynulleidfa i ymlacio yn y Cae Sgwâr, mwynhau picnic a gwrando ar berfformiadau cerddorol godidog gan gantorion ac offerynwyr enwog.

Sgwâr Alban, Aberaeron. Gatiau’n agor am 4.30pm. Cyngerdd yn dechrau am 7.00pm

Mynediad - £15.00 Oedolion. £3.00 Plant cynradd (gydag oedolyn).

[Cyfyngir nifer y tocynnau felly archebwch yn gynnar.]

Catrin Finch		Jason Howard
Magwyd Catrin yn Llanon, ac ystyrir hi fel un o brif berfformwyr byd-eang ar y delyn. Hi oedd y Delynores Frenhinol o 2000 i 2004, ac mae hi wedi llwyddo i amlygu’r delyn dros bedwar ban byd. Bydd yn ymddangos ar y llwyfan gyda’i Band newydd - CF47.		Graddiodd Jason yng Ngholeg Cerdd y Drindod ac Ysgol Opera’r Coleg Brenhinol. Mae ganddo lais bariton arbennig, ac mae ei berfformiadau byd-eang wedi ennill clod aruchel.
Meriel Andrew	Dafydd Edwards		Gwawr Edwards
Daw Meriel o Giliau Aeron, ac mae’n gyn-ddisgybl o Ysgol Gyfun Aberaeron. Wedi dysgu am chwe mlynedd, trodd tuag at ganu’n broffesiynol. Mae hi’n soprano gyda Chwmni Opera Cenedlaethol Cymru, ac mae ei pherfformiadau operatig yn cynnwys rolau Pamina a Mimi, yn ogystal â sgorau ffilm.	Mae Dafydd yn byw a gweithio ar fferm Plasybryniau ym Methania. Mae ganddo lais tenor cyfoethog, a bu’n canu’n lleol, yn genedlaethol and yn rhyngwladol yn Ewrop ac America.		Mae Gwawr yn ferch i Dafydd, ac yn astudio perfformiad lleisiol yng Ngholeg Brenhinol Cerdd a Drama Cymru. Mae ganddi lais soprano, ac enillodd lu o wobrau yn Eisteddfodau’r Urdd a Chenedlaethol. Bu hefyd yn perfformio gyda’i thad ar deithiau tramor.
Gareth John		Elen Môn Wayne
Daw Gareth o Lanarth, a mynychodd Ysgol Gyfun Aberaeron. Wedi graddio o Brifysgol Bangor, aeth i Lundain i astudio opera. Mae’r tenor yma wedi ennill nifer o wobrau ac ysgoloriaethau, ac mae wedi teithio llawer.		Mae Elen Môn Wayne wedi perfformio am ddwy flynedd yn ‘The Phantom of the Opera’ yn Llundain, ac enillodd Wobr Laurence Olivier am y Perfformiad Gorau mewn Rôl Gynhaliol am ei rhan yn ‘Jerry Springer the Opera’ yn y Theatr Genedlaethol a Theatr Cambridge. Ar hyn o bryd mae hi’n rhan o gast perfformio ‘The Sound of Music’ yn y Palladium.
Presenters
Huw Edwards		Eleri Siôn
Mae Huw yn gyfarwydd i filiynau fel cyflwynydd newyddion y BBC. Mae wedi cyflwyno ystod eang o raglenni megis Newsnight a Panorama, ac wedi cyd-gyflwyno rhaglenni canlyniadau’r Etholiad Cyffredinol. Bu hefyd yn cyflwyno rhaglenni hanesyddol Cymru fel The Story of Welsh a Bread of Heaven.		Daw Eleri o Neuaddlwyd, ac mae’n gyn-ddisgybl o Ysgol Gyfun Aberaeron. Mae’n gweithio fel cyflwynydd chwaraeon, ac mae wedi cyflwyno rhaglenni fel Jonathan, Y Clwb Rygbi a Waw Ffactor.
Noddwyd gan:

Parti i’r Plant

Parti i blant cynradd – prynhawn o hwyl ac adloniant, gyda cherddoriaeth fyw o’r llwyfan. Mae lluniaeth ac adloniant yn gynwysedig.

Sgwâr Alban, Aberaeron. 4.00pm

Mynediad - £1.00

Noddwyd gan:

Noson Roc Aberaeron

Bandiau ifanc lleol ar y llwyfan yn fyw yn y Cae Sgwâr - noson o gerddoriaeth fyw ar gyfer yr arddegau.

Sgwâr Alban, Aberaeron. 7.30pm

Mynediad - £5.00

Noddwyd gan:

Dawns Ffurfiol y Deucanmlwyddiant

Daw dathliadau’r wythnos i ben gyda noson ffurfiol o luniaeth a dawnsio i gyfeiliant cerddorol Band Mawr Phil Dando.

Neuadd Goffa Aberaeron. 8.00pm GWERTHWYD I GYD

Mynediad - £30.00

Noddwyd gan:

Barry a Jacqui Lyne

Hurio Cadeirau Olwyn am ddim - Gallwch hurio Cadeirau Olwyn oddi wrth Canolfan Mobility, Tŷ Compton, Sgwâr Alban - 0808 100 1133 (Freephone) Diolch i Nest Evans, Cantre Mobility, am gynnig defnydd o gadeiriau olwyn yn rhad ac am ddim yn ystod Wythnos y Dathl. Bydd angen blaendâl adaladwy.

Disclaimer:- Er ein bod yn ceisio sicrhau fod y wybodaeth yma yn gywir, nid ellir ein dal yn gyfrifol am unrhyw gamgymeriadau. Mae pob safle yn ddibynnol ar dderbyn trwydded. Gellir newid yr artistiaid.

webmaster@aberaeron.info