 |
|||||
| treftadaeth | carnifal | yn ei blodau | defnyddiol | gwyl bysgod | |
|
Croeso i Aberaeron |
|||||
|
Ar ran holl drigolion Aberaeron, mae’n bleser gennyf eich croesawu i'n tref, tref a ddisgrifiwyd yn ddiweddar fel yr un fwyaf syfrdanol ar afordir Cymru a dwi ddim yn mynd i anghytuno! Serch hynny, does dim lle i fod yn hunanfodlon gan fod labeli’n dod yn ddigon rhwydd a rhaid i ni sicrhau bod y safonau uchaf yn cael eu gwarchod fel bo pawb sy’n dod i Aberaeron yn cael ei swyno gyda’r hyn sydd gennym i’w gynnig.
Mae’n fraint i ni groesawu Eisteddfod Genedlaethol yr Urdd i Lanerchaeron eleni. Dyma un o’r gwyliau diwylliannol mwyaf yn Ewrop ar gyfer pobl ifainc ac mae’n sicr y bydd y digwyddiad anhygoel hwn yn denu miloedd. Mae’n busnesau lleol wrthi’n adnewyddu ac yn uwchraddio i sicrhau eu bod yn dal i gynnig y goreuon o ran siopau, gwestai bwtîc, gwestai bach, tafarnau sy’n cynnig cwrw go iawn a bwytai sy’n cynig y cynnyrch lleol. Unwaith y cyrhaeddwch, fe’i cewch yn anodd gadael; gallwch dreulio oriau yn eistedd ac yn edrych dros yr harbwr, gan wylio’r byd yn mynd heibio, a beth yw eich barn am Ben Cei, a ddewiswyd yn ddiweddar ar Google fel y bumed harddaf o strydoedd Prydain.
Mae digonedd o gyfleusterau yn yr ardal leol ar gyfer pob math o achlysuron, or fyd chwaraeon, adloniant, byd nature neu ddiwylliant. Yn ystod misoedd yr haf mae hefyd amrywiaeth eang o arddangosfeydd a gwyliau blynyddol y byddwch yn eu mwynhau, rwy’n siwr. Gobeithiaf y byddwch yn gwerthfawrogi’n tref, ac y nein cymryd i’ch calonnau a chofiwch ddof yn ôl! David Jones, Maer y Dref 2010/11
|
|||||
|
Supported by Aberaeron Bicentenary 2007 |
|||||
|
|
|||||
