Mae Aberaeron yn eich croesawu gyda breichiau agored – tref ar lan y môr ble mae lliw, cymeriad a chymuned yn dod at ei gilydd mewn ffordd sydd yn aros yn y cof yn syth. Mae’r dref a’r harbwr Sioraidd ar Ian Bae Ceredigion yn enwog am y tai lliwgar; siopau annibynnol, a mannau bwyd sy’n·llawn cynnyrch a chreadigrwydd lleol.
Y peth arbennig ynghylch Aberaeron yw’r teimlad o berthyn. Mae Aberaeron yn dref ble mae cymuned yn bwysig, gyda digwyddiadau a redir gan wirfoddolwyr; ble mae traddodiadau yn fyw; a ble croesawir ymwelwyr fel rhan o’r stori. O ddigwyddiadau chwaraeon i’r Carnifal, o’r regattas i berfformiadau theatrig, mae calendr y dref yn llawn i ddod â phobl at ei gilvdd.
Mae calon y dref yn curo o gwmpas yr harbwr. Yn ystod y llanw uchel mae’r dŵr yn disgleirio rhwng yn y ddau bier; mae teuluoedd yn ymgasglu i bysgota crancod ac mae’r morglawdd newydd yn cynnig lle perffaith i fynd am dro i fwynhau’r machlud.
Nid yw natur yn bell i ffwrdd gyda’r Cae Sgwâr yn ganalog, a Pharc-y-Fro ger yr afon. Yn bellach i ffwrdd, mae’r llwybyr i Lanerchaeron yn cynnig dihangfa tawel drwy’r goedwig a chaeau, gan arwain at ystâd yr Ymddiriedolaeth Genedlaethol sy’n llawn hanes a bywyd gwyllt. Mae llwybrau’r arfordir yn arddangos golygfeydd arbennig dros y bae, gyd chyfle i weld dolffiniaid, adar y môr a newidiadau’r llanw. Os ydych yn crwdro ar droed, ar feic neu edrych ar y byd o’r meinciau ar y cei, mae Aberaeron yn cynnig lle i anadlu.
Os mai dyma eich ymweliad cyntaf neu beidio, mae Aberaeron yn eich gwahodd i ymlacio, darganfod yn eich amser eich hun, a theimlo cynhesrwydd y dref sy’n ymfalchio yn ei gorffennol, tra’n edrych ymlaen yn hyderus i’r dyfodol.
Cynghorydd Rhodri Jones
Maer Etholedig Tref Aberaeron 2026/27
Cefnogwyd gan Deuganmlwyddiant Aberaeron 2007
